Txori-kantuak ezagutzeko ibilaldiak

257

Deskribapena

Gure inguruan dauzkagu beti txorrotxioka, baina ez gara haien kantuak entzuten geratzen. Horretarako, eta naturarekin apur bat gehiago bat egiteko txori-kantuak ezagutzeko ibilaldiak prestatu dituzte Gipuzkoako Natura Parkeetan. Hauek, zailtasunik gabeko ibilaldiak dira, etxeko txiki zein helduenek egiteko modukoak, eta hala, Arkamurka Natur Taldeko Eneko Azkue adituaren eskutik, gure inguruko txori eta txokoak ezagutzeko aukera izango dugu. Azkena Zegamako Andueza parketxean izan zen pasa den larunbatean, apirilak 27. Bertara hurbildu zirenek, aurretik emandako hitzaldi motz batekin, gerora eman zuten paseoan entzuten zituzten kantuak identifikatzeko gai izan ziren, baita txoriak gertutik ikusteko aukera izan ere. Hurrengo ibilaldia Maiatzaren 4an izango da. Ataungo Barandiaran Museotik hasita, goizeko 10:00etan abiatuko dira Aralargo kantuak ezagutzera bertaratzen diren Ikusnahiak. Prezioa 5€ pertsonako izango da. Informazio gehiago www.parketxesarea.org
Back to Top
INFOSARE  GITB 28kanala ERLO TELEBISTA OIZMENDI
TOKIKOM ej