10. Bide Berdea ospatu dute inguruko landareak ezagutzeko paseoa eginez

Lierniatik abiatuta Bide Berdearen eguna ospatu zuten pasa den larunbatean. Ekimen honek oso erantzun ona izan ohi du eta aurtengo edizioan ere hala izan da, eguraldia kili-kolo azaldu bazen ere 25 pertsona inguruk parte hartu baitute. Clara Gutierrez biologo eta etnobotanikariaren laguntzarekin, gure inguruko mendietan dauzkagun landare eta fruituekin zer egin, nola prestatu eta zertarako erabili ikasi zuten bertara gerturatu zirenek. Ondoren, Clarak emandako errezetak jarraituz, ibilbidean zehar jasotako jakiekin bazkari bat prestatu eta dastatu zuten denen artean.