Aitor Aldasoro alkate izendatuta eratu da Beasaingo udal korporazio berria

481

Deskribapena

EAJ taldeko bederatzi botoekin, gehiengo osoz, Aitor Aldasoro alkate izendatuta eratu da Beasaingo udal korporazio berria. Hamazazpi zinegotzietatik hamaseiak hartu zuten kargua eraketa ekitaldian. Korporazio berria honela osatua geratu da; EAJtik Aitor Aldasoro bera, Leire Artola, Edorta Diaz, Jon Olano, Elena Ruiz, Adur Ugartemendia, Amets Arrospide, Xabier Matarranz, Malu Valles eta Ainara Aiestaran. Azken hau ezin izan da bertan egon eta aurrerago hartuko du bere zinegotzi kargua. EHBildu udal taldean Nerea Manzisidor, Asier Agirre, Mikel Olano, Maddi Imaz eta Joli Hernandez, eta Alderdi sozialistatik Eva Alvarez eta Angel Redondo. Lehen hitzak esaten, EH Bilduko hautagaia izan den Nerea Manzisidorri utzi zizkion alkate izendatu berriak. Alkate berriak, azkenik, bi bertso kantatu zituen eta esker oneko hitzak izan zituen etxekoentzat, bere alderdi eta lantaldearentzat, udal langileentzat eta babesa eman zioten herritarrentzat. Oposizioari ere zuzendu zen eskua luzatuz euren ekarpenekin eta kontrolarekin Beasain hobe bat eraikitzeko, herritarren ongizatearen mesedetan.
Back to Top
INFOSARE  GITB 28kanala ERLO TELEBISTA OIZMENDI
TOKIKOM ej