Idiazabalgo 28. Txistulari Alardea: data, ordua eta sarrerak nola lortu

Jaietako batzordearen adostasunarekin eta segurtasun neurriak zorrotz hartuta, urtarrilaren 23an, larunbatean, arratsaldeko 19:00etan Zelaa Kiroldegian 28. Idiazabalgo Txistulari Alardea ospatuko da. 130 lagunentzat bertan, zuzenean ikusteko aukera egongo da, eta hau lortzeko, izen ematen duten guztien artean zozketa bat egingo da. Zozketan parte hartzeko izena eman beharko da banaka edo binaka (etxebizitza berean bizi diren bi kide) urtarrilaren 11tik 15era liburutegian, goizeko 10:00etatik 12:00etara edota arratsaldeko 16:30etatik 19:00etara. Zozketa egin ondoren, urtarrilaren 18an Udala harremanetan jarriko da ikusle izateko zortea izan dutenekin. Eta tokatu zaienek liburutegitik pasa beharko dute sarreraren bila.